閱兵

閱兵，係指對武裝力量進行檢閱嘅儀式，通常喺國家重大節日、迎送國賓、軍隊出征、凱旋、校閱、授旗、授獎、大型軍事演習等等嗰陣舉行。

由於文化差異嘅影響，唔同國家嘅閱兵形式有所不同，可以分為蘇式閱兵、英式閱兵、法式閱兵同美式閱兵幾種：

• 蘇式閱兵——俄羅斯聯邦、烏克蘭、白俄羅斯等等嘅前蘇聯或者前華沙公約組織國家，中華人民共和國、北韓、古巴、越南等等嘅社會主義國家，同埋利比亞、伊拉克、蒙古等等普遍採用，特點係場面同氣勢隆重宏大，側重於展示最先進嘅武器裝備（前蘇聯同俄羅斯聯牂響每年嘅勝利日同十月革命節閱兵，展示大量現代化嘅武器，公開宣傳威懾力），吸引國際輿論嘅關注。
• 英式閱兵——英國、印度、巴基斯坦、新加坡、香港警察、埃及等等嘅英聯邦成員國同埋日本採用，其特點係受閱部隊嘅方陣同隊列行進基本上繼承咗維多利亞時代嘅傳統，側重於緬懷軍隊過往嘅光榮史（日本除外），會出現好多已經淘汰嘅兵種同武器裝備。
• 法式閱兵——法國、西班牙、意大利、瑞典等等嘅歐洲大陸國家普遍採用，特點係士兵嘅步幅比英式閱兵小，對車陣嘅編排有較強嘅藝術氣息。
• 美式閱兵——美國、韓國、菲律賓等等採用，主要特點係娛樂性、表演性同商業性高。